BRELA na COSOTA wateta kuhusu kutoa Elimu ya miliki bunifu.

Msimamizi wa Hakimiliki Tanzania (COSOTA) Doreen Anthony Sinare leo Septemba 28, 2022, ameongoza kikao baina ya BRELA na COSOTA kilichokuwa kinajadili kuhusu mchakato wa kuanzisha kituo cha kutoa elimu ya Miliki bunifu kwa wadau wa hapa nchini Tanzania ambacho kitafadhiliwa na Shirika la Kimataifa Duniani la Milki Bunifu (WIPO).

Akizungumza katika kikao hicho Doreen alieleza maelekezo ya WIPO kwa hatua za awali za utekelezaji ni kujaza taarifa za msingi za utekelezaji wa mafunzo hayo (training need assesment) na taarifa hizo zitahitajika kujazwa na COSOTA, BRELA, ZBPRA na COSOZA.

Akifafanua kuhusu umuhimu wa kushirikisha Taasisi hizo Msimamizi huyo wa Hakimiliki Tanzania alisema COSOTA na COSOZA ni Ofisi zinazosimamia masuala ya Hakimiliki (Copyright) na BRELA na ZBPRA zinasimamia ubunifu unaohusisha mali viwanda (Interlectual Property) na Kimataifa Taasisi hizo ni wanachama wa WIPO, hivyo ni vyema kushirikiana ili kila mmoja aweze kunufaika na fursa hiyo.

"Katika kulilitekeza hili ni lazima tukae na wenzetu wa COSOZA na ZBPRA ili kuwafahamisha programu hii ambayo WIPO itaitoa udhamini kwa nchini kwa lengo la kuzalisha wataalamu wengi katika eneo hili ambalo kwa sasa linawataalamu wachache nchini," alisema Doreen.

Akizungumza katika kikao hicho Kaimu Mkurugenzi wa Idara ya Miliki Bunifu kutoka BRELA Seka Kasera alishauri kikao cha kuzungumzia jambo hilo kufanyika ndani ya mwezi Oktoba 2022, lengo nikuhakikisha mchakato huo unakamilika haraka ambapo, madodoso hayo ya taarifa za msingi ya kuanzishwa kwa kituo hicho ni vyema yakawasilishwa kwa wataalamu wa Ofisi ya COSOZA na ZBPRA ili katika kikao hicho kila mmoja awe na uelewa na kutoa ushauri wa moja kwa moja kurahisisha mchakato.

"Pia katika kikao hicho ni vyema Wanasheria wa kutoka na COSOTA na BRELA pamoja na COSOZA na ZBPRA za Zanzibar kuja na rasimu ya mkataba wa makubaliano ya kuanzisha kituo hicho nchini na WIPO (MoU).