Ahmed Ally mtakao penda kawapokeeni De Agosto uwanja wa ndege.

 

Leo kwenye mkutano na wanahabari Ahmed Ally aka semaji la CAF amefunguka mambo kadhaa kuelekea kwenye mechi ya marudiano na wapinzani wao de Agosto utakao chezwa kwenye dimba la mkapa.

"Kikosi chetu kimerejea rasmi mazoezini baada ya juzi kurejea kutokea Angola. Kilianza mazoezi jana asubuhi kwenye uwanja wetu wa Mo Simba Arena na leo kitaingia kambini."

"Tulishinda lakini bado hatujafuzu, safari hii hatutaki kurudia makosa. Tumeweka nguvu kubwa kuona kwamba mchezo wa jumapili tunapata matokeo mazuri ili tuingie makundi. Tumemiss kushiriki hatua ya makundi ya Ligi ya Mabingwa Afrika."

"Tutaendelea kuwakosa Shomari Kapombe ambaye sasa anaendelea kufanya mazoezi akiwa hospitali, ataukosa mchezo wa jumapili lakini michezo itakayofata atakuwepo. Jimmyson Mwinuke pia tutamkosa, taarifa njema ni Peter Banda amerejea kikosini."

"Wageni wetu Primeiro de Agosto watawasili nchini Oktoba 14 majira ya mchana, kwa wale ambao wangependa kwenda kuwapokea wanakaribishwa uwanja wa ndege. Waamuzi wanatokea Afrika Kusini na watawasili nchini siku hiyo hiyo ya Oktoba 14."

"Upande wa hamasa tunaendelea kupita kwenye vyombo vya habari na kupita mitaani, siku ya ijumaa tutakuwa Temeke, tutazunguka na kispika twende tukaiunge mkono timu yetu. Tukio la kipekee tutakuwa na chakula cha pamoja, biryan la kwenda hatua ya makundi."- Ahmed Ally.