Jeshi la Polisi Kanda Maalum ya Dar es salaam linawashikiria watu saba wanaofahamika kwa majina 1. Hassan AbusherNur (39) Raia wa Canada mwenye asili ya Somalia, Mkazi wa Msasani, 2. Nathan Lungumisa (27), 3. Fredick Chahonza (49), 4. Assad Abdurasur (43), 5. Fahad Mussa (32), 6. Ilfan Saleh (41), 7. Nicolas Nilay (39) kwa tuhuma za kupanga njama kumtishia kwa silaha na baadae kumteka mwanamke anefahamika kwa majina ya Hani Nooh Hussein mwenye umri wa miaka 29 mkazi wa Masaki JIjini dar es salaam watuhumiwa hao wanatarajiwa kufikiwa mahakama ya kisutu kwa hatua zaidi za kisheria Hayo ameyasema leo Kamanda wa Kanda Maalum Dar es salaam, SACP Jumanne Muliro
“Tukio hili limetokea tarehe 16 Oktoba 2023 majira ya saa nne asubuhi wakati Hani Nooh Hussein akiwa anaendesha gari lake namba T.333 CHN Toyota Rav4, ghafla akiwa eneo la Msasani Village alisimamishwa na sehemu ya kundi la watuhumiwa hao na kuingia ndani ya gari, kumtishia kwa silaha, kumteka na kuelekea maeneo ya Mbezi beach mtaa wa ujirani ambako walimshikilia kwa nguvu kwa siku nne huku wakidai pesa kwa vitisho kwa baba wa mhanga kuwa asipotoa kiasi cha dola za kimarekani milioni 3.5 mtoto wake atapotezewa maisha” Kamanda Kanda Maalum, Jumanne Muliro
0 Comments