Msanii Mashuhuli Wa Afrika Kusini "ZAHARA" Afariki Dunia

Nchini Afrika Kusini anajulikana kwa jina la Bulelwa Mkutukana, lakini dunia inamtambua kama Zahara, mmoja wa wanamuziki wa kike katika Taifa hilo aliyefanikiwa kuteka hisia za wapenda muziki.

Ni miongoni mwa wasanii wa kike waliofurahia matunda ya vipaji vyao, mwaka 2011 akiwa miongoni mwa wanawake 100 waliotajwa na Shirika la Habari la Uingereza (BBC) kuwa na ushawishi duniani.

Hata hivyo, akiwa na miaka 36, nyota huyo wa muziki wa Pop, Afrika Kusini ameaga dunia wakati madaktari wakipambana kuokoa maisha yake.

Waziri wa Sanaa, Michezo na Utamaduni wa Afrika Kusini, Zizi Kodwa amesema Zahara alikuwa akisumbuliwa na maradhi ya ini yaliyotokana na unywaji pombe kupita kiasi.